Thursday, May 23rd, 2019

Shaqaalaha DP World oo billaabay inay ka baxaan Berbera iyo Boosaaso

Published on March 16, 2019 by   ·   No Comments

Shaqaalaha Shirkadda DP World ee ku sugan Soomaaliya ayaa waxaa soo wajahay xabsi xoogan 44 Maalin kadib dilkii magaalada Boosaaso loogu geystay madaxii shirkadda DP World ee magaalada Boosaaso.

Masuuliyiin ka tirsan Shirkadda DP World oo la hadlay warbaahinta ayaa sheegay in shaqaalaha shirkadooda ee kusugan magaalooyinka Boosaaso iyo Berbera ay soo wajahday cabsi xoogan.

Madaxda Shirkadda DP World Sultan Ahmed bin Sulayem oo la hadlay wakaalada Wararka ee AP ayaa sheegay in shaqaalaha shirkadda ay bilaabeen inay ka baxaan Soomaaliya kadib markii cabsi ay sii wajahday.

Wuxuu sheegay in shaqaalaha ajaaniibta ay soo wajahday cabsi xoogan kadib dilkii madaxii shirkadda DP world ee Boosaaso, waxaana uu cadeeyay inay taasi sababtay in shaqaalaha qaar ay baxaan.

Mr Sultan, ayaa sheegay in shaqaalaha qaar loo hanjabay taasi oo keentay inay ka baxaan magaalooyinka Berbera iyo Boosaaso, waxaana uu sheegay in taasi ay caqabad ku noqon karto shaqada ay ka wadaan Soomaaliya.

Waxaa magaalada Bosaaso ee xarunta gobolka Bari lagu diley madaxii shirkadda P&O oo hoostagta shirkadda DP World u qaabilsanaa dekadda magaalada Boosaaso oo lagu magacaabi jirey Paul Faramosa Bishii February.

Dilka ayaa ka dhacay suuqa kaluunka ee magaalada Bosaaso ee loo yaqaan Neg-fish oo aan sidaa uga fogeyn dekadda, waxaana dilkaasi sheegtay Al-Shabaab oo sheegay inay ka jawaabeen cabasho ka timid shaqaalaha dekada Magaalada Boosaaso.

Comments (0)




Wararka

DHAGEYSO:Dowladda Farmaajo oo Ka Jawaabtay Go’aanada Kenya!!

May, 22, 2019
Dowladda Federaalka Soomaaliya ayaa jawaab ka bixisay go’aanadii Kenya ay qaadanaysay mudooyinkii dambe. Qoraal kasoo baxay wasaaradda Arrimaha Dibadda ...

DHAGEYSO Xoghayaha Guud ee Qaramada Midoobay”Horumarka Soomaaliya Halis Ayuu Wajahayaa” !

May, 21, 2019
Xoghayaha Guud ee Qaramada Midoobay ayaa sheegay in Soomaaliya ay horumar ka samaynayso dhismaha dawladnimo oo ay shaqaynayso. Hase ...

DHAGEYSO: Go’aanka Jubbaland Oo Dhabar Jab Ku Ah Dowladda Farmaajo ??

May, 21, 2019
Axmed Maxamed Islaam {Madoobe} ayaa sii damqiyey Boogtii la rajeenayey inay bogsato taas oo aheyd isku soo dhawaanshiyaha ...




.